Aurreko hilabetetan Ekuatore Gineako Batako Nkolombong auzora bidali genituen Euskadiko erakunde publiko batzuek emandako ordenagailuak, hango Kaputxinotarrei iritsi zaizkie.
Dagoeneko instalatutak daude eta hainbat ekintza eta heziketa programetarako erabiliak izaten ari dira.
Gure Ekuatore Gineako Santiago Laban elkartekideak, proiektuaren argazkiak eta dokumentazioa bidali dizkigu jarraipena egin ahal izateko.
Aurreko larunbatean, Euskadi Irratiko Amarauna saiotik deitu gintuzten gure 25. urteurrena zela eta. Programaren audioa bidali digutenez, hemen uzten dizuegu.
Jakingo duzuenez, aurreko Abenduak 17an Berpiztu Elkarteak bere urteurrena ozpatu zuen. Bertan, aurreko egunetan zintzilikatu genuen bideoa erakusteaz gain, Kirikinoko haurren bi dantzaldi, elkarteko presidentearen hitz batzuk etab. izan genituen.
Bertara gerturatu zinaten lagun guztioi, eskerrak luzatu nahi dizkizuegu gurekin horrelako egun berezi batean izateagatik; José Ignacio Munilla Donostiako Gotzaina, CAJE-ko Juanillo, Agiantzako Bernat, Misiones Diocesanas-eko Leire, Kirikinoko haurrak eta bere gurasoak, elkarteko boluntario asko eta askorekin batera…
Aurreko Abenduak 12an Berpiztu Elkarteak 25 urte bete ditu. Eta horrelako urteurren berezia dela eta bideo bat prestatu dugu urte hauetan gertatutakoa danori hurbiltzeko.
Aurreko astean EHU-ko campus-ean egon ginen gure Bolondres Kanpaina bertan aurkezten. Mila esker gerturatu zinaten guztioi, badakizue edozer gauza dela eta gurekin harremanetan jartzeko aukera duzuela.
Datorren Azaroak 17an, Donostiako Deusto-ko Campus-ean izango gara. Anima zaitezte bisita bat egitera eta gu ezagutzera.
Berpiztu Elkartetik aste batzuk daramagu bolondres kanpainarekin martxan. Txartelean ikusten den moduan, esparru asko lantzen ditugu. Horietako baten bat interesatzen bazaizu eta zure ingurukoak laguntzeko prest bazaude bolondresa eginez, anima zaitez eta gurekin harremanetan jarri!
Larunbata honetan urriak 29, Berpiztu Elkartearen Batzar Orokorra ospatuko dugu. Bertan, hasi berria dagoen ikasturtearen erronketaz hitz egingo dugu besteak beste eta Berpiztuko Elkartekide eta Elkartelagun guztiak gonbidatutak daude.
Batzarra, Larratxoko Irale Zentroan izango da eta arratsaldeko 16h00-etatik 18h30-ak arte iraunduko du.
EGUNERAKETA:
Datorren egunetan ikasturte berri honetarako adostutako helburuak zintzilikatuko dizkizuegu.
Gaur, Pobrezia Errotik Kentzeko Nazioarteko Eguna da eta, Donostiako Zero Pobrezia Plataformak ekintza batzuk antolatu ditu urriaren 14-19ko astean, kanpainaren oihartzuna eta sentiberatasuna handitzeko asmoarekin eta bertan Berpiztu Elkartea egon da asteburu honetan.
